ابڙو اڪيڊمي Abro Academy
2020-07-22
داخلا نمبر 626
عنوان سانهه روهاڪِي
شاخ پکي
پڙهيو ويو 390
داخلا جو حوالو:
سانهه روهاڪِي
سانهه روهاڪِي
95 سينٽي ميٽر جسامت وارو هي پکي ٻگهه جو قسم آهي ۽ ان کي ’ڪٻرو ٻگهلو‘ به چوندا آهن. ان جا نر ماد هڪجهڙا ٿين ٿا. ان جي پُٺي سرمائي، ڪلهي تي ڪارا کنڀ، مٿو اڇو، مٿي تي ڪاري چوٽي ۽ اک هيڊي آهيس. چهنب مضبوط ڊگهي، هيڊي ۽ ڳچي به ڊگهي اٿس. اڪثر ڪُٻ ۽ ڳچي ڪڍيو بيٺو هوندو آهي.
هي پکي پنهنجي افزائشي ڪالونيءَ کان پري اڪيلو نظر ايندو آهي. تمام صابر ۽ مڇيءَ جي شڪار جو ماهر آهي. هر وقت ڪُٻ ڪڍي خاموش بيهي، ڳچي ۽ چهنب سڌي ڪري شڪار لاءِ نهاريندو رهندو آهي يا وري آهستي آهستي ٻه چار وکون کڻندو آهي. شڪار کي ڏسندي ئي ڊگهي ڳچي ۽ چهنب سان جهٽي وٺندو آهي.
سانهه پکي پنهنجن وڏن ۽ پکڙيل پرن سان هلڪي ڦڙ ڦڙاهٽ سان اڏامندو آهي. مُنڍي ڪلهي سان ملي ويندي اٿس ۽ ٽنگون پوئتي ڊگهيون هونديون اٿس. آکيرو اوچن وڻن تي وڏين ڪاٺڙين سان ٺاهيندو آهي جنهن ۾ هر سال اضافو ٿيندو ويندو آهي. اڪثر خاموش رهندو آهي، بس ڪنهن ڪنهن مهل تکي رڙ ڪندو آهي. سڄي يورپ ۽ آفريڪا ۾ ٿيندو آهي. ھي پکي سنڌ ۾ ماحول : 7 ۾ نظر ايندو آھي.